Baie om te vier aan die vooraand van wolboere se eeufeesvieringe

Van ’n versukkelde bedryf wat 100 jaar gelede besluit het om te begin saamstaan teen die vergrype van wol- en ramsmouse, tot waar Suid-Afrika vandag die grootste produsent ter wêreld is van wol wat gesertifiseer is as volhoubaar geproduseer, asook die tweede grootste produsent van Merinowol. Dit het gebeur onder die vaandel van die Nasionale Wolkwekersvereniging (NWKV), wat die afgelope eeu deurgaans na die belange van wolboere omgesien het.